بحبك

لست من هواة العبث في الموبايلات او تعدد النغمات او البحث هنا وهناك عن اخر تقليعات الموبايلات ، لكن مع هذا موبايلي فيه نغمات مخصصة وصور مخصصة ،لان زوجتي تتولى هذه المهمة -جزاها الله خيرا -.
المهم اني ما اعرفش اغلب النغمات اللي عندي على الجهاز كل ده مش مهم، المهم وانا نايم رن الموبايل بالشبه كده عارف انها نغمة الرسائل بصراحة كسلت اقوم ابص مين بعت لي ايه ؟ قلت استنى شوية لحد ماالنغمة تخلص ، في الاول ما كنتش مركز في الكلمات اوي ، اصل النشيد اللي كان شغال قصدي النغمة صدعت من كتر ما سمعتها الصيف الماضي، ماكانش في حاجة غيرها شغالة في البيت ، بقوم عليها وانام عليها وافطر عليها واتغدى عليها وحتى ال........ احمم بخشه عليها، حاجة صعبة، تولد عندي شعور داخلي اول مالنشيد ده يشتغل اني انشغل باي شيء اخر، لكن العجب العجاب اني ركزت شوية في الكلمات، مش عارف بقى نسيت ولا تناسيت كل الصداع اللي شرحته ده! المهم اني ركزت ...... كلمات جميلة .....صوت جميل ...... ركزت اكتر في المعاني عشت معاها عشت مع الكلمات طرت في سماء الحب ، حلقت لم تعد قدمي تحملني على الارض بل انا الان واقف على باب حبيبي اطرق بابه ......اتلمس كلماته :
بقلبي .. بنبضي بروحي انا بحبك يااارب
يا قلبي يا نبضي ياروحي ياكل حاجة يارب
انا بيدلني قلبي ... انا بيحبني ربي ....انا لامس حبه فيا
انا حاسس باللي بيا .... انا ما تعودتش اكبر...... الا بفضله عليا
انا بيدلني قلبي.... انا بيحبني ربي......انا بس بعيش في خيره
ما احتاجتش حد غيره..... وعشان بخلص في حبه ...... ملا الدنيا عليا
شفافية ونور واخدني من كل الدنيا ديا
حبيت الله لقيتني بحس بحبه ليا
حقيقي...... حبيبي وعمري ماعشت قبلك حب
الهي....... وجاهي حياتي من غير مااحبك ده صعب
معايا تمللي معايا ياربي طول الوقت
معايا ده حتى منايا معايا طول الوقت
وجدت نفسي اصرخ بكل احساسي وبقلبي :
بحبك يارب بحبك يارب
سامحني يارب على تقصيري
يارب بحبك فلا تحرمني من رؤيتك في الاخرة
بحبك والله بحبك يارب
مكثت قليلا فكرت قليلا صعقني تفكيري قائلا :
ان الذي يالف النعم لا يشكرها ،بل ........قد لا يشعر بها او يدرك انها موجودة
انها الفة الاشياء الفة العبادات تفقدك اهم ما في الشيء رونقه وبهاءه و جماله ، صرخت من جديد لكن بعزيمة :لن االف شيئا ثانية وخاصة صلاتي وعباداتي ....................لازم اتغير